Зову ся Дарко Матійчак и прагну сердечні привитати свою родину, приятели, знакомых и вшыткых котры завитали на нашу сторону. Музыка товаришыт мі од дітиньства. Ріс єм в лемківскі культурі, котра єст нерозлучні повязана зо сьпівом. Сьпівали моі дідове в нашых прекрасных Карпатах и сьпівают моі родиче юж на західніх землях. В прекрасни и зворушливи час слухал єм оповідаь о тім: „як ся жыло в горах”. Музыка то для мене краса, віра и надія. То бальсам для тіла и молитва для душы. Музыка котру творю, вырастат з емоций, якы сут з чловеком на штоден. Зато на кружку так дуже ріжнородных климатів образуючых ріжны емоциі – од еуфориі по ностальгію. Тbоры повставали ріжні, часом думал єм пару дни, о чымси што пак родило ся в самоті. Декотры моі сьпіванкы то просто емоцийни підвиг хвилі. Чудово, же через слово и звук можу штоси веце повісти,затримати час и щырі ся тым радувати. Перша мисель о словах и музыці зродила ся в 2008 році и певні до гнеска нихто бы о ні не чул. Хоц декотры сьпіванкы прикладово „Рік по рік”, ци „Сын Лемковины” сьпівали сме в часі родинных выіздів в горы на Ватры. отреба награня кружка взяла ся з серця и душы, з любови до лемківской культуры, церкви и родины. Тым што остаточні змобілізувало мня до реалізациі моіх мрій были народины сына Максима и bертаня до того заміру в бесіді з мойом женом Аніом. В 2011 році наповажні зачал єм думати о награню моіх творів. Найважнійше што ся мі удало завдякы моім приятелям- Ані и Аркови, то найти аранжера и музыків, котры заангажували ся в мій проєкт. Зачало ся од стріч чудовых люди почавшы од Бартеза - настоящого аранжера-продуцента,музыків- Вальдка, Зьдзіся, Кубы и дуже іншых осіб, котры причынили ся до здійсніня моіх мрій. А тепер разом зо женом прагнеме поділити ся емоциями, прекрасныма хвилями, якы товаришыли нам в часі награнь. То были зворушливы хвилі контакту з музыком, звуками, якы впровадили нас в незвычайни,понадчасови сьвіт. Позераючы на себе чули сме, же наша любов наберат іншого выміру – глубшого и што найкраще – нового, котри зближат люди до себе, одбудовує тото што забыте и творит новий простір.